สวัสดีจ้าวหลายวันล่ะบ่ได้ลงเรื่องราว ยุ่งอิลุงตุงตุ้ยอยู่ มะเดี่ยวว่างล่ะ จ้าว มาไปอ่านกั๋นน้อยเลาะเนาะ
เคสนี้กะฮ้องฝรั่งจีบ
คือจะอี้เนาะจ้าว อีแม่ก่อได้ฮับฝรั่งกะมีหลายคนหลายประเทศอี่แม่จ๋ำบ่ได้เน่อประเทศแหน่ล้ำ
เวลาฮับฝรั่งแล้วกะอู้ทักทายปกติหนะจ้าว
ต่อจากนั้นเปิ่นก่อจะถามว่า เป๋นหยั๋งอีแม่มาขับแกรป อี่แม่ก็อตอบแบบซื่อๆนี่นะว่า เงินจ้าวเงินดี
แล้วก่อจะมีคำถามตวยแหมว่า โสดก่อ แฟนบ่ว่ากะหื้อมาขับรถดึกๆจะอี้ อีแม่ก่ตอบว่า โสด จ้าว (กึดในใจ๋ตี่บ้านงามตึ้งบ้าน555 )(ถ้างามกะต้องมีหลัวไปล่ะกะ55)
พอตอบว่าโสด ก่อจะมีกา๋นขอไลน์ คือย่อยากหื้อเสียมารยาท ก่อต้องหื้อไปจ้าว แล้วเขาก่อจะทักทาถามเฮาเลยว่า อยากจะมาดินเน่อก่ อีแม่ตอบแบบบ่เสียมารยาทว่า บ่จ้าวพอดียังขับรถอยู่จ้าว
อ่ะแบบนี้จบง่ายโดยก๋านตี่เขาก่อจะหู้ล่ะว่าเฮาปฎิเสธเขาอิอิ
แต่จะมีพวกถามซึ่งๆหน้าว่า หลังจากเธอส่งฉันแล้วเธอจะไปไหนต่อ คำตอบอี่แม่ก่อตอบว่า รอรับลูกก้าคนต่อไปจ้าว
พอเขาได้ยินจะอั้นเขาจะถามเฮาเลยว่า ขึ้นไปผ่อห้องฉันก่อ ห้องฉันมีเบียร์ มีไวน์ (อ่ะนะเอาของมาล่อ55)
อีแม่ก่อจะตอบเลยว่า ขอบคุณจ้าว ไม่ดื่มจ้าว
(แต่บ่หรอก อีแม่ดื่มปกติแต่บ่ชอบแบบอี้)ปฎิเสธปายยยยย
อีกประเภท ก่อโชว์รูปห้องหื้อผ่อว่าห้องเขางามก่อ เฮาก่อต้องตอบว่างาม อี้กะเนาะจะบอกบ่งามกะบ่ได้55
เขาก่จะถามอยากขึ้นไปผ่อก่อว่างามจะใด
ทำโมสังโค
จวนกั๋นแบบซึ่งๆหน้า เฮากะปฎิเสธไปแบบบ่หื้อเสียมารยาท (ใจ๋นี่ไขด่าตึก แต่ด่าบ่ได้กะจ้าว ลูกก้าคือพระเจ้าเปิ่นเอาตังค์มาหื้อเฮาบ่ดีนะเนาะด่าเปิ่น
ก๋านปฎิเสธเขาแบบบ่หื้เสียมารยาทคือก๋านอู้แบบเบาๆแล้วยิ้มมุมปากเหียน้อย เขาจะได้บ่หู้สึกเสียหน้า:))))
อั้นเคสนี้กะจบล่ะเนาะจ้าว เอาแบบเบาๆมาเล่าหื้อฟัง เป็นก๋าน แชร์ว่าอีแม่เจอจะอี้แล้วอีแม่อู้กับเขาจะได ต้องเอาตั๋วรอด จ้าว
อิลุงตุงตุ้ยแปลว่า ยุ่งเหยิง ยุ่งมาก
เหียน้อย แปลว่า นิดหน่อย
อู้ แปลว่า พูดคุย
ปะกั๋นใหม่ แปลว่า เจอกันใหม่
ไว้เฮาปะก๋ันใหม่เนาะจ้าว สวัสดี จ้าว
โฆษณา
- ดาวน์โหลดแอปพลิเคชัน
- © 2025 Blockdit
