[แนวกินบ้านเฮา เว้านัวหัวม่วน] ๑๒/๐๙/๒๕๖๓ ลูกนี้ฮู้แจ่มแจ้ง คุณแห่งมารดา แม่ผูแพงเพียรฮัก จังได้มีวันนี้ คุณความดีแม่ให่ กายใจเติบใหญ่ ลูกเป็นคนอยู่ได้ ย้อนมีเจ้าหล่ำแล คุณพ่อแม่มากล้น เกินกว่ากำหนด หาหยังมาเทียมทด แมนบ่มีพอดี้ เอ

มีบัญชีอยู่แล้ว?หรือ

•

12 ส.ค. 2020 เวลา 01:08 • อาหาร

๑๒/๐๙/๒๕๖๓

ลูกนี้ฮู้แจ่มแจ้ง คุณแห่งมารดา

แม่ผูแพงเพียรฮัก จังได้มีวันนี้

คุณความดีแม่ให่ กายใจเติบใหญ่

ลูกเป็นคนอยู่ได้ ย้อนมีเจ้าหล่ำแล

คุณพ่อแม่มากล้น เกินกว่ากำหนด

หาหยังมาเทียมทด แมนบ่มีพอดี้

เอานทีรวมเข้า เอาพสุธาผืนใหญ่

ไหลมาหลอมรวมไว้ ยังบ่เท่าเคิ่งคุณ

เป็นจังบุญสายแนนตุ้ม ได้มาฮ่วมเคหา

แนวได๋ดีนำพา แลนหาโฮมท้อน

สุขทังผองในหล้า คุณมารดาแม่พ่อ

ลูกขอยอมือก้ม พนมน้อมใส่กะบาล สาธุ

อรุณสวัสดิ์เช้าวันพุธ สุขสันต์วันแม่

มื้อนี้หรือมื้ออื่นๆขอให่พ่อแม่ มีความสุข

สุขภาพแข็งแฮง อายุญืนยาวหมื่นๆปีพุ้นเด้อ

อยู่กับลูกหลานเหลนเป็นห่มโพธิ์ห่มไทร

ลูกหลานได้ช้น อยู่เย็นเป็นสุขตลอดปีตลอดไป สาธุ

"ขอ อภัยมณี สินสมุทร สุดสาคร เพิ่นว่าภาพบ่เหมาะสม ลบออก แล้วครับ ขอ อภัยหลายๆครับ"

โฆษณา