[วิถีคนพลัดถิ่น] พี่น้องเอ้ย... คั่นได้กินต่อนซิ้น .. อย่าลืมแจ่วแพรวผัก ไปตั้งหลักในเมือง .. อย่าลืมเถียงนาฮ้าง อย่าหลงทางเคยได้ .. ไปนาหาก่น เขียดจะนาเซี่ยงซ่น .. ยามแล้งค่อยขวย ฝนตกฮวยฮ่ำพื้น .. ผืนแผ่นแดนอีสาน มวล

มีบัญชีอยู่แล้ว?หรือ

•

30 ก.ย. 2020 เวลา 08:03 • ปรัชญา

พี่น้องเอ้ย...

คั่นได้กินต่อนซิ้น .. อย่าลืมแจ่วแพรวผัก

ไปตั้งหลักในเมือง .. อย่าลืมเถียงนาฮ้าง

อย่าหลงทางเคยได้ .. ไปนาหาก่น

เขียดจะนาเซี่ยงซ่น .. ยามแล้งค่อยขวย

ฝนตกฮวยฮ่ำพื้น .. ผืนแผ่นแดนอีสาน

มวลอาหารพอมี .. บ่เขินเคืองแค้น

แมงดาแวนบินเจ้ย .. เจิดลงวางไข่

กะปูไต่เกลื่อนพื้น .. ปลาบ้อนอั่งฝาย

บักพริกเขืออยู่จ้าย .. หัวไฮ่พอกิน

ยอดตำนินผักปัง .. อั่งฮาวฮิมฮั้ว

แนมเห็นสายบัวแบ้ .. กอบอนบานเบ่ง

หากินเองบ่คร้าน .. อีสานเค้าเก่าหลัง

อย่าลืมชาติต่อตั้ง .. เคยหย่างหากิน

บ่ถวิลความเคย .. ผ่านไปหลายก้ำ

มีเงินคำเต็มบ้าน .. ลืมอีสานมันบ่แม่น

ยามกินข้าวคั่งแค้น .. คนสิเว้ากล่าวขวัญ

นี่แหล่ว...

โฆษณา