๒๙/๑๐/๒๕๖๓
มันกะสุดภวังค์แค้น แน่นอั่งทางสมอง
ยามเมือเหลียวแลมอง อยู่เมืองกรุงกว้าง
มาเสี่ยงดวงอยู่เมืองฟ้า หาเก็บเงินฝากอุ่น
เก็บเป็นทุนฝากเจ้า ยามเถ่าแก่กาล แม่เอ้ย
จากฐานถิ่นดินบ้าน คอบว่าเฮาจน
สารวนทนทุกข์ หมายบุกให่ถึงบั้น
หวังสักวันหนึ่งนั่น คงสมใจในทุกสิ่ง
จังทิ้งฐานถิ่นบ้าน ปล่อยทางเจ้านั่งเหงา
ถึงระดูเกี่ยวข้าว เกาะเกี่ยวเก็บกำ
ลูกไปทำงานหา ค่าแฮงเงินจ้าง
บ่ได้จางทางสิ้น ผินไปทางอื่น
แมนทุกข์คอยทั่งทื้น สิบืนสู้บ่ถอย
นับนิ้วคอยมื้อหน้า ปีใหม่มาเยือน
สิฟ้าวกลับคืนเฮือน บ่อนเซาเนายั้ง
หอมติดดังข้าวฮ้อน เช้ามาหอมฮิ่น
คืนไปกินข้าวปั้น แจ่วจ้ำฮ่วมภาช์ อีแม่เอ้ย
สวัสดีครับ หลังจากห่างหายไปดน เทิงยากงาน โทรศัพท์กะบ่อำนวย คิดถึงชุคุ่ชุคนเด้อ ต้องขออภัยทุกท่านที่ติดตาม เท่าที่มีเวลาเขียน ผมกะสิหากลอนมาลง ให่อ่านเนาะ
โฆษณา
- ดาวน์โหลดแอปพลิเคชัน
- © 2024 Blockdit
