๒๓/๑๒/๒๕๖๓
ชิวิตยังบ่สิ้น อดสาหย่างหากิน
ตราบผืนดินยังมี ค่อยถางขุดข้น
แมนว่าจนเงินใช้ หากินไปเช้าค่ำ
หาเก็บกำเทือหน่อย พอได้ค่อยเอา
คึดฮอดทางถิ่นเค้า กะเดาป่งยอดสวย
ลมหนาวอ่วยมาทาง ง่าติงลมต้อง
ในใจหมองสีเศร้า ยามเฮาไกลถิ่น
ไปหากินต่างบ้าน สานสร้างสู่ฝัน
จกข้าวเหนียวมาปั้น จ้ำแจ่วแกมผัก
ยามเชาพักเอาแฮง เมื่อยกายคีงล้า
แสวงหาแนวได้ ใส่พุงพออิ่ม
สุขในใจค่อยยิ้ม ภายพื้นแผ่นภูมิ
แนวว่าชุมชาติเชื้อ แซงเก่าเฮาจน
คันบ่เฮฮนหา ห่อนฤาสิเห็นได้
อยู่แดนได๋เฮานั่น สรวงสวรรค์ปันแบ่ง
บ่คิดแย่งยาดยื้อ มือซ้วนส่วนผูได๋
สวัสดีมีความสุข กัลยาณมิตร ยามเช้าทุกท่าน ช่วงนี้อากาศคือชงเย็นๆ กทม" บ้านเฮาสิบ่หนาวเย็นพาโลติ คิดฮอดบ้านเด้ นั่งผิงไฟจี่ข้าวยามเช้าเผาบั้งข้าวหลามไปนำ
ขอให้เหตุการณ์สถานการณ์โควิด ปกติผ่านพ้นแนท้อนน สิได้กลับกลับช่องแน ปีนึงแล้วบ่ได้หลับบ้าน โอ้ยยน่อ
kidnoi ขอบคุณที่มาภาพงามงามเพิ่นครับ
โฆษณา
- ดาวน์โหลดแอปพลิเคชัน
- © 2024 Blockdit
