ເດັກສາວໄວ19ທີ່ຈະໄດ້ເປັນມະນຸດຄົນທຳອິດທີ່ຈະໄປດາວອັງຄານ
ຕອນຍັງນ້ອຍຫຼາຍຄົນເຄີຍມີຄວາມຝັນຢາກເປັນຫຍັງແນ່? ຄົງມີຫຼາຍຢ່າງແມ່ນບໍ່ ແຕ່ພໍໃຫຍ່ຂຶ້ນມາກໍຮູ້ສຶກວ່າສິ່ງທີ່ຫວັງໄວ້ໃນຄາວຍັງນ້ອຍມັນບໍ່ແມ່ນສິ່ງທີ່ຈະເຮັດໄດ້ງ່າຍໆແມ່ນບໍ່? ຄັນຊັ້ນມາຮູ້ຈັກເດັກສາວໄວ19ປີຄົນນີ້.
Alyssa Carson ໄວ19ປີຈາກເມືອງ Baton Rouge ລັດ Louisiana ສະຫະລັດອາເມຣິກາ ທີ່ກຳລັງຈະກາຍເປັນນັກບິນອາວະກາດທີ່ມີອາຍຸນ້ອຍທີ່ສຸດຂອງ NASA ນອກນັ້ນນາງຍັງຈະໄດ້ເປັນມະນຸດຄົນທຳອິດທີ່ຈະໄດ້ເດີນທາງໄປດາວອັງຄານອີກດ້ວຍ.
ນາງເປັນເດັກຄົນຫນຶ່ງທີ່ກຳລັງເດີນທາງເຂົ້າໃກ້ຄວາມຝັນຂອງຕົນເອງທີ່ເຄີຍຝັນໄວ້ວ່ານາງຢາກເປັນນັກບິນອາວະກາດຕັ້ງແຕ່ໄວເດັກພຽງ3ປີ ນາງບອກກັບພໍ່ວ່າ"ພໍ່ ລູກຢາກເປັນນັກບິນອາວະກາດ ແລະ ລູກກໍຢາກຈະໄປເທິງດາວອັງຄານພ້ອມ" ໂດຍມີແຮງບັນດານໃຈຈາກກາຕູນເລື່ອງ "The backyardigans" ທີ່ມີເນື້ອຫາກ່ຽວກັບການຜະຈົນໄພໃນຮູບແບບຕ່າງໆ ລວມເຖິງການເດີນທາງໄປດາວອັງຄານ (ກາຕູນບາງເລື່ອງກໍເປັນແຮງບັນດານໃຈໃຫ້ກັບເດັກ>°°<).
Alyssa ຄິດວ່າເປັນເລື່ອງທີ່ວິເສດຫຼາຍ ແລະຢາກຈະເຮັດໃຫ້ໄດ້ຈັກຄັ້ງໃນຊີວິດ ເປົ້າໝາຍຂອງນາງຄືການເປັນມະນຸດຄົນທຳອິດທີ່ໄດ້ຂຶ້ນໄປຢຽບເທິງດາວອັງຄານແລະນາງໄດ້ຕັ້ງຄວາມຫວັງໄວ້ວ່າ ຈະຕ້ອງເຮັດໃຫ້ໄດ້ພາຍໃນປີ2033 ເຊິ່ງຕອນນັ້ນນາງກໍຈະມີອາຍຸ32ປີ.
ແຕ່ພໍ່ຂອງນາງທີ່ບໍ່ຄິດວ່າຄວາມຝັນຂອງລູກສາວຕົນເອງເປັນເລື່ອງຕະຫຼົກ,ໃນປີ2008 ພໍ່ຂອງນາງໄດ້ສະໝັກໃຫ້ນາງເຂົ້າຮ່ວມໃນຄ້າຍອາວະກາດຂອງສະຫະລັດ (The United States Space Camp) ແລະຕາມດ້ວຍຄ້າຍອື່ນໆອີກຫຼາຍຄ້າຍທັງໃນແລະຕ່າງປະເທດ ນັ້ນເຮັດໃຫ້ນາງມີຄວາມໝັ້ນໃຈວ່າຄວາມຝັນຢູ່ບໍ່ໃກເກີນເອື້ອມ ແລະນາງຈຶ່ງໄດ້ມຸ່ງໝັ້ນເຮັດຕາມຄວາມຝັນຕະຫຼອດມາ.
Alyssa ເປັນຄົນທຳອິດທີ່ໄດ້ເຂົ້າຮ່ວມຄົບທັງ3ຄ້າຍຂອງ NASA ແລະອີກ5ປີຕໍ່ມານາງເປັນຄົນທຳອິດທີ່ໄດ້ພາສປອດຈາກNasa ເພາະນາງໄດ້ເຂົ້າຊົມສູນອາວະກາດທັງ14ແຫ່ງ.
ຕາມຫຼັກແລ້ວຄົນທີ່ຈະໄດ້ເປັນນັກບິນອາວະກາດຂອງ NASA ນັ້ນຕ້ອງມີອາຍຸ18ປີ ນາງໄດ້ຖືກສົົ່ງໃຫ້ເຂົ້າຮ່ວມໂຄງການPossum ເພື່ອເຝິກການເປັນນັກບິນອາວະກາດຕອນອາຍຸ17ປີ ເຊິ່ງນາງໄດ້ເປັນຄົນທີ່ອາຍຸນ້ອຍທີ່ສຸດທີ່ໄດ້ເຂົ້າຮ່ວມໂຄງການນີ້.
ນອກຈາກການເຝິກຝົນແລ້ວ ນາງຍັງຕ້ອງເຂົ້າໂຮງຮຽນຕາມປົກກະຕິໂດຍຮຽນວິຊາຕ່າງໆເຖິງ4ພາສາ:ອັງກິດ,ຈີນ,ຝຣັ່ງແລະສະເປນ.ເຊິ່ງຖືວ່າເປັນຫນ້າທີ່ຫນັກສົມຄວນ ນາງຍັງໄດ້ກ່າວອີກວ່າ"ມັນເປັນເລື່ອງທີ່ທີ່ທ້າທາຍຫຼາຍເພາະນາງຕ້ອງເຮັດຫນ້າທີ່ທຸກຢ່າງໃຫ້ອອກມາດີທີ່ສຸດ"
ປັດຈຸບັນAlyssa ຍັງໄດ້ຕັ້ງອົງກອນ Blueberry ຕາມລະຫັດຊື່ຂອງນາງທີ່ມີເປົ້າໝາຍສົ່ງເສີມໃຫ້ເດັກນ້ອຍເຮັດຕາມຄວາມຝັັນຂອງຕົນເອງໃຫ້ສຳເລັດ.
ທຸກຄົນສາມາດເຂົ້າໄປຕິດຕາມ instragram ຂອງນາງໄດ້ທີ່nasabluerry
ທີ່ມາ lifebuzz,boredpanda
โฆษณา
- ดาวน์โหลดแอปพลิเคชัน
- © 2025 Blockdit
