"ฤดูผันเหมันต์เคลื่อน...หนาวมาเยือนเตือนเนื้ออุ่น
งามละมุนคือจั่งน้อง...คนปองข้างห่างบ่มี
คิดอีกทีกะกัวย้าน...ชายเกี้ยวพานเผิ่นมีคู่
หมายเอ็นดูอยู่แล้ว...ฝ่ายนางแก้วบ่อาจขวง
สุดแต่ดวงบุพเพสร้าง...เป็นหนทางพาพ้อคู่
ได้พบดวงยอดชู้...ซูซ้อนหม่อมพะนาง..พะนะว้า"
คิดถึงย่ำรุ่งท้องทุ่งหนาหนาว
"เดือนสิบเอ็ดหัวลมต้อง..เดือนสิบสองหัวลมหย่าว
สะนูว่าวดังถืดทึ้ง..คณึงน้องผุห่างหาย
เมื่อปีกลายยังมีเจ้า..เกียวข้าวล้มก้มเคียงพี่
มาปีนี้ผัดหายจ้อย..พะนางน้อยไปอยู่ใส
ฮู้อยู่บ่ว่าทางอ้าย..คิดฮอดหลายเทิ่งเป็นห่วง
คิดนำดวงดอกไม้..ผุไกลข้างห่างคนิง
มามื้อนี้มิดอิ้งติ้ง..สิหลิงหล่ำนำอ้ายบ่
สิคิดพ้อหน้าอ้าย..ชายพี่ที่ล่ำคอย บ่น้อ.."
โฆษณา
- ดาวน์โหลดแอปพลิเคชัน
- © 2024 Blockdit
