ສະບາຍດີທຸກຄົນ ມື້ນີ້ ມີເລື່ອງເລົ່າທີ່ປະທັບໃຈເລື່ອງໜຶ່ງມາແບ່ງປັນ ຄືເລື່ອງລາວຄວາມຮັກຈາກດິນແດນຍີ່ປຸ່ນ ທີ່ເຮັດໃຫ້ຜູ້ຊາຍຄົນໜຶ່ງລຸກຂຶ້ນເຮັດສິ່ງທີ່ຍາວນານຕໍ່ເນື່ອງມາໄດ້ຫຼາຍປີ.
ຮູບຂອງຢູຊາໂອະ ທາກະມະສຶ ຈາກສາລະຄະດີ I want to go home
ເລື່ອງມີຢູ່ວ່າ
ເມື່ອປີ 2011 ຢູຊາໂອະ ທາກະມະສຶ ອາຍຸ 54 ປີ ທະຫານປົດປະຈຳການ ກ່ອນທີ່ຈະເລີ່ມຕົ້ນເຮັດວຽກເປັນຄົນຂັບລົດເມ ໃນເມືອງເຊັນໄດ ປະເທດຍີປຸ່ນ, ຢູຊາໂອະ ມີພັນລະຍາທີ່ຢູ່ກິນນຳກັນມາດົນກວ່າ 30 ປີ ຊື່ວ່າ ຢູໂກະ ພວກເຂົາໄດ້ພົບກັນຄັ້ງທຳອິດເພາະເຈົ້ານາຍຈັບຄູ່ໃຫ້ ເພາະເຫັນວ່າທັງສອງໜ້າຈະເຂົ້າກັນໄດ້ດີ ແລະ ກາຍເປັນວ່າ ພວກເຂົາ ຫຼົງຮັກກັນພາຍໃນເວລາບໍ່ດົນ, ຢູຊາໂອະບອກວ່າມັກໃນຄວາມອ່ອນໂຍນ ແລະຮອຍຍິ້ມຂອງຢູໂກະ, ແລະນັ້ນຄືຈຸດເລີ່ມຕົ້ນຂອງຄວາມຮັກຂອງພວກເຂົາ.
ຢູໂກະ ນາງມີກິດຈະກຳທີ່ນາງມັກຄືການແຕ້ມຮູບດ້ວຍສີນຳ້ ແຕ່ມີຄົນດຽວທີ່ຈະໄດ້ເຫັນຜົນງານຂອງນາງຄືຄົນທີ່ນາງງຮັກ ແລະສາມີ.
ພວກເຂົາຜ່ານເວລາ30ປີນຳກັນມາຢ່າງໝັ້ນຄົງ ມີລຸກສາວໝຶ່ງຄົນ ພວກເຂົາມີສຸຂະພາບທີ່ແຂງແຮງ ແລະມີນິດໃສທີ່ຄ້າຍຄືກັນ ຄືມັກທ່ອງທ່ຽວ.
ຮູບແຕ່ງງານ
ມື້ໜຶ່ງໃນວັນທີ່ 11 ມີນາ 2011 ຢູຊາໂອະຂັບລົດໄປສົ່ງຢຸໂກະທີ່ທະນາຄານທີ່ນາງເຮັດວຽກຢູ່ ເປັນທະນາຄານທີ່ຕັ້ງຢຸ່ຫາດຂອງເມືອງເຊັນໄດ ເຊິ່ງມີວິວທີ່ສວຍສົດງົດງາມ. ທຸກຢ່າງເປັນໄປຕາມປົກກະຕິຄືທຸກມື້ ພວກເຂົາລົມກັນໃນລົດວ່າມື້ແລງຊິກິນຫຍັງດີ ເມື່ອຮອດທະນາຄານ ຢູຊາໂອະ ກໍໂບກມືລາຢູໂກະ ກ່ອນຈະຂັບລົດເພື່ອໄປຮັບແມ່ຂອງຢູໂກະເພື່ອໄປກວດສຸຂະພາບທີ່ໂຮງໝໍ.
ເວລາຜ່ານໄປສິບນາທີຫຼັງຈາກນັ້ນ ລາວກຳລັງຂັບລົດຢູ່ໃນເມືອງ ລົດຂອງລາວເກີດເຊອອກຂ້າງທາງ ແຕ່ໂຊກດີທີ່ລາວສາມາດຢຸດລົດໄດ້ທັນ ແລະບໍ່ເກີດອັນຕະລາຍໃດໆ ແຕ່ສິ່ງທີ່ເກີດຂຶ້ນຫຼັງຈາກນັ້ນຄື ພື້ນດິນເລີ່ມສັ່ນສະເທືອນແຮງຂຶ້ນເລື້ອຍໆ ມັນຄືແຜ່ນດິນໃຫວທີ່ເກີດຂຶ້ນຢ່າງຮຸນແຮງ ແລະຍາວນານເຖິງຫົກນາທີເຕັມ ທັງເມືອງສັ່ນສະເທືອນ ເຮືອນຊານຫຼາຍຫຼັງພັງທະລາຍລົງມາ ໄຟຟ້າດັບ ສັນຍານເຕືອນໄພໃນລົດຫຼາຍຄັນດັງສະໜັ່ນ.
ດ້ວຍປະສົບການທີ່ຖືກອົບຮົມໃນການເອົາຕົວລອດໃນສະຖານະການແຜ່ນດິນໃຫວໃນຍີ່ປຸ່ນ, ລາວກໍຮູ້ວ່າຕ້ອງເຮັດແນວໃດ ຢາຊຸໂອະ ຂັບລົດຂຶ້ນທີ່ສູງໄປຈອດຢູ່ທີ່ຟາມສັດແຫ່ງໜຶ່ງ ແລະ ເປີດວິທະຍຸຊື່ສານທີ່ລາວມີຄ້າງໄວ້ເພື່ອຫວັງຈະໄດ້ປະກາດເຕືອນໄພ ແລະບໍ່ດົນສັນຍານເຕືອນໄພຈາກກາງເມືອງກໍດັງຜ່ານວິທະຍຸມາ ສັນຍານບອກວ່າສຶນາມິລຸກໃຫຍ່ກໍາລັງເຄື່ອນເຂົ້າມາໃກ້ ແລະໃນ20ນາທີ່ຕໍ່ມາ ຄຶ້ນສຶນາມິລູກໃຫຍ່ທີ່ມີຄວາມສູງກ່ວາ12ແມັດກໍພັດເຂົ້າກືນກິນເມືອງທັງເມືອງໄປ.
ລະຫວ່າງນັ້ນ ຢູຊາໂອະ ພະຍາຍາມໄຊ້ໂທລະສັບຕິດຕໍ່ກັບລູກສາວຈົນສຳເລັດ ແລະຮຸ້ວ່າລຸກສາວໄດ້ອົບພະຍົບໄປໃນທີ່ປອດໄພແລ້ວ ເຫຼືອພຽງພັນລະຍາຄືຢູໂກະເທົ່ານັ້ນ ທີ່ສຳຄັນນາງເຮັດວຽກຢຸ່ທະນາຄານທີ່ຕັ້ງຢຸ່ໃກ້ຊາຍຫາດ ຢູູ່ກົງກັນຂ້າມກັບທະເລ ແຕ່ຕິດຕໍ່ບໍ່ໄດ້
ຢູຊາໂອະນັ່ງຈ້ອງໂທລະສັບ ແລະເຮັດໄດ້ຢ່າງດຽວຄືພາວະນາ ແລະທີ່ສຸດ ຢູຊາໂອະກໍໄດ້ຮັບຂໍ້ຄວາມຈາກພັນລະຍາທີ່ຂຽນມາວ່າ “ເຈົ້າໂອເຄແມ່ນບໍ່ ຂ້ອຍຢາກກັບບ້ານ” ຢູຊາໂອະຮີບພິມຕອບຂໍ້ຄວາມ ແຕ່ກໍໄຮ້ການຕອບກັບ.
ຫຼາຍຊົ່ວໂມງຜ່ານໄປ ເມື່ອຄຶ້ນສະຫງົບລົງ ລາວກໍຮີບເດີນທາງ ຕັ້ງໃຈຈະໄປທີ່ບ່ອນເຮັດວຽກຂອງຢູໂກະ ລະຫວ່າງທາງ ລາວຜ່ານຊາກອາຄານບ້ານເຮືອນຫຼາຍຫຼັງທີ່ພັງທະລາຍຢູ່ທົ່ວເມືອງ ແຕ່ສຸດທ້າຍ າວໄປບໍ່ຮອດຈຸດໝາຍເພາະເຈົ້າໜ້າທີ່ຫ້າມລາວໄວ້ ບໍລິເວນນັ້ນມີສານພິດອັນຕະລາຍຮົ່ວຊຶມ ແລະສານໄວໄຟປົນຢຸ່ກັບນຳ້ທະເລເຊິ່ງອັນຕະລາຍຫຼາຍ ຕ້ອງປິດກັ້ນພື້ນທີ່ທັງໝົດ.
ຮູບຈາກ Pixabay ໄຊ້ເພື່ອປະກອບ ບໍ່ແມ່ນຮູບໃນເຫດການຈິງ
ຢູຊາໂອະຈຶ່ງເດີນທາງໄປໂຮງໝໍ ໃນນັ້ນເຕັມໄປດ້ວຍຄົນບາດເຈັບ ແລະສຽງຮ້ອງຄວນຄາງ, ລາວຄົ້ນຫາທຸກຊັ້ນ ຕັ້ງແຕ່ຊັ້ນທີໜຶ່ງໄປຈົນເຖິງຊັ້ນເທິງສຸດ ແຕ່ກໍບໍ່ພົບພັນລະຍາແຕ່ຢ່າງໃດ.
ແຕ່ລາວກໍຍັງບໍ່ຢຸດ, ລາວເລີ່ມອອກຄົ້ນຫາຕາມຊາກຫັກພັງໃນເຂດນັ້ນຕັ້ງແຕ່ຄືນນັ້ນເລີຍ ແລະເຊົ້າມື້ຕໍ່ມາກໍກັບມາຫາທີ່ໂຮງໝໍອີກຄັ້ງດ້ວຍຄວາມຫວັງວ່າຈະພົບພັນລະຍາຂອງຕົນ ແຕ່ສຸດທ້າຍກໍຍັງບໍ່ພົບ.
ຈົນເຫດດການຜ່ານໄປຫຼາຍມື້ ໃນທີ່ສຸດລາວກໍໄດ້ເບິ່ງພາບຈາກກ້ອງວົງຈອນປິດໃນເຂດໃກ້ທະນາຄານ ເຮັດໃຫ້ໄດ້ເຫັນຕອນທີ່ຄື້ນສຶນາມິຊັດເຂົ້າຕົວອາຄານຂອງທະນາຄານ ແລ້ວຫຼັງຈາກນັ້ນອາຄານທັງຫຼັງກໍພັງທະລາຍລົງຕໍ່ໜ້າ.
ຈາກການສືບສວນມາຮູ້ໃນພາຍຫຼັງວ່າພະນັກງານທັງໝົດມີ13ຄົນ ຜູ້ຈັດການເປັນຄົນທຳອິດທີ່ສັງເກດເຫັນສັນຍານຂອງຄື້ນສຶນາມິ ຄື ນຳ້ທະເລຈະລົດຖອຍລົງໄປເຫຼືອໄວ້ພຽງຫາດຊາຍກ້ວາງ ແລັ້ວຫຼັງຈາກກນັ້ນສຶນາມິລູກໃຫຍ່ກໍຈະພັດເຂົ້າມາ ຜູ້ຈັດການຮີບສັ່ງໃຫ້ພັນນັກງານທັງໝົດຂຶ້ນໄປລີ້ໄພຢູ່ເທິງຊັ້ນເພດານຊັ້ນເທິງສຸດ ເຮັດພຽງໄດ້ເທົ່ານັ້ນເຊິ່ງນີ້ຄືສິ່ງດຽວທີ່ເຮັດໄດ້ໃນຕອນນັ້ນ, ແຕ່ທ້າຍສຸດກໍມີພະນັກກງານລອດຊີວິດມາໄດ້ພຽງຄົນດຽວເທົ່ານັ້ນຈາກ13ຄົນ.
ຕໍ່ມາໃນຊ່ວງທີ່ເລີ່ມຟື້ນຟຸທຳຄວາມສະອາດບ້ານເມືອງ ເຈົ້າໜ້າທີ່ໄດ້ພົບໂທລະສັບມືຖືຂອງຢູໂກະ ແລະໄດ້ສົ່ງໃຫ້ຢູຊາໂອະ, ຢູຊາໂອຄິດວ່າໂທລະສັບນັ້ນເພແລ້ວຈຶ່ງບໍ່ໄດ້ເປີດເບິ່ງ ລາວເກັບໄວ້ເປັນເວລາໄລຍະໜຶ່ງ ຈົນມື້ໜຶ່ງລາວລອງເອົາມາເປີດ ແລະປາກົດວ່າມັນຍັງເປີດໄດ້ ແລະລາວກໍໄດ້ພົບຂໍ້ຄວາມທີ່ພັນລະຍາພີມໄວ້ ແຕ່ຍັງບໍ່ໄດ້ສົ່ງ ຂໍ້ຄວາມນັ້ນພິມໄວ້ວ່າ “ຄຶ້ນຊຶນາມິເປັນຕາຢ້ານຫຼາຍ” ແລະ ອີກຂໍໍ້ຄວາມໜຶ່ງຄືຂໍ້ຄວາມສຸດທ້າຍທີ່ຢູຊາໂອະໄດ້ຮັບນັ້ນກໍຄື “ຂ້ອຍຢາກກັບບ້ານ” ຄຳນີ້ດັງກ້ອງໃນຫົວຂອງຢູຊາໂອະ ທາກະມະສຶ ມາຕະຫຼອດສອງປີເຕັມ.
ໃນລະຫວ່າງສອງປີນັ້ນຄົນອື່ນອາດຍ້າຍໄປຢູ່ບ່ອນອື່ນ ແລະໄປເລີ່ມຕົ້ນຊີວິດໃໝ່ ແຕ່ຢູຊາໂອະຍັງບໍ່ຍ້າຍໄປໃສ ລາວຍັງຄົງຕາມຫາພັນລະຍາຕາມຊາກອາຄານທີ່ເພພັງ, ແລ້ວຫຼັງຈາກຄວາມພະຍາຍາມສອງປີ ລາວກໍໄດ້ໄປພົບກັບນັກດຳນຳ້ຂອງກອງກຳລັງປ້ອງກັນຕົວເອງຂອງຍີ່ປຸ່ນ ທີ່ກຳລັງປະຕິບັດການຕາມຫາຜູ້ສູນຫາຍຈາກເຫດການຄື້ນສຶນາມິ, ເຖິງວ່າສອງປີຜ່ານໄປ ກໍຍັງມີຜູ້ສູນຫາຍຈຳນວນຫຼາຍທີ່ຍັງບໍ່ພົບ, ຢູຊາໂອະກໍຢາກນຳພັນລະຍາຂອງຕົວເອງກັບມາເຮືອນຕາມຄຳຂໍສຸດທ້າຍທີ່ພັນລະຍາສົ່ງມາ.
ໃນໄວ56ປີ ລາວຕັດສິນໃຈຮ່ວມກັບຜູ້ຊາຍອີກໜຶ່ງຄົນທີ່ມີແຮງຈູງໃຈຄືກັນ ຄືຢາກຕາມຫາລູກສາວທີ່ຫາຍໄປ ທັງສອງລົງຮຽນດຳນຳ້ ຝືກຝົນການດຳນຳ້ແບບຈິງຈັງຈາກມືອາຊີບກອງກຳລັງປ້ອງກັນຕົວເອງຢູ່ຫຼາຍເດືອນ ຜ່ານການທົດສອບກວ່າແປດສິບຄັ້ງຈົນໄດ້ກາຍເປັນນັກດຳນຳ້ມືອາຊີບ ແລະທີ່ໜ້າຊື່ນຊົມກໍຄື ຈາກປີນັ້ນ 2013 ຈົນຮອດຕອນນີ້ 2021 ຢຸຊາໂອະຍັງບໍ່ເຊົາຕາມຫາພັນລະຍາ ໃນຊ່ວງທຳອິດ ລາວດຳນຳ້ເກືອບທຸກອາທິດ ແຕ່ເວລາຜ່ານໄປດ້ວຍອາດຈະຍັງເຫຼືອເດືອນລະສອງຄັ້ງແຕ່ສະໝຳ່ສະເໝີໂດຍໄດ້ຮັບຄວາມຊ່ວຍເຫຼືອຈາກຄົນໃນທ້ອງຖິ່ນ.
ຮູບຂອງຢູຊາໂອະ ທາກະມະສຶ ຈາກສາລະຄະດີ I want to go home
ນອກຈາກການຕາມຫາພັນລະຍາແລ້ວລະຫວ່າງນັ້ນລາວຍັງໄດ້ຊ່ວຍຕາມຫາຜູ້ສູນຫາຍຄົນອື່ນໆໄປພ້ອມໆກັນ ລາວເຄີຍໃຫ້ສຳພາດວ່າ “ຖ້າຂ້ອຍບໍ່ເຮັດຫຍັງເລີຍ ຂ້ອຍຈະເສຍໃຈຫຼາຍ ແລະທຳອິດຂ້ອຍພຽງແຕ່ຢາກຕາມຫາພັນລະຍາ ແຕ່ຕອນນີ້ຂ້ອຍຫວັງວ່າຈະໄດພົບຮ່າງຂອງຄົນອື່ນໆເຊັ່ນກັນ”
ລ່າສຸດເລື່ອງລາວຂອງລາວກໍຖືກຖ່າຍທອດເປັນສາລະຄະດີ ທີ່ອອກສາຍໃນປີ 2019ມີຊື່ວ່າ ໂຄອິ (Koi) ທີ່ແປວ່າຄວາມຮັກ ສະທ້ອນໃຫ້ເຫັນເຖິງຄວາມຮັກຄວາມທຸ່ມເທໃນການຕາມຫາພັນລະຍາຕະຫຼອດເວລາຫຼາຍປີທີ່ຜ່ານມາ. ນອກຈາກນັ້ນ, ປີ2017 ເລື່ອງຂອງລາວກໍເຄີຍເປັນສາລະຄະດີມາແລ້ວ ຊື່ວ່າ I want to go home ເຊຶ່ງເປັນປະໂຫຍກສຸດທ້າຍທີ່ພັນລະຍາຂອງລາວສົ່ງມາ.
ແລະນີ້ ຄືເລື່ອງລາວດີໆທີ່ນຳມາແບ່ງປັນໃນມື້ນີ້ ສາມາດເປັນກຳລັງໃຈໃຫ້ກັນໄດ້ໂດຍການກົດຕິດຕາມ ຫຼືແຊຣບົດຄວາມນີ້ໃຫ້ຄົນອື່ນໄດ້ອ່ານນຳ.
ສຳລັບໃຜທີ່ຢາກເບິ່ງສາລະຄະດີຂອງລາວ ໄປເບີ່ງໄດ້ທີ່
- 1
โฆษณา
- ดาวน์โหลดแอปพลิเคชัน
- © 2025 Blockdit
