มื่อนี้มีเรื่องเล่า🤭🤭🤭
สวัสดีจ้าพี่น้องป้องปายสุผู้สุคนเด้อ
อิฉันมีนามว่า : นางนริศรา โพธิสุวรรณ คนเอิ้นว่าอีต้อย (แม่นั้นเอิ้นอีแดงต้อยย้อนว่าออกมาทีแรกโตแดงว่าแม่นบักพริกพะนะเพิ่นว่า)
แม่ออกอยู่เฮียนต่อเล้า : มื่อวันที่ 14/5/2527 ขึ้น 15 ค่ำเดือน 6 พุ้นเด้พี่น้อง คุ้นๆบ่ว่าเป็นวันอีหยัง วันวิสาขบูชาพุ้นเด้อ (ข่อยกะบ่รู้ว่าเป็นนำบุญรึบาปสิได้เจริญรอยตามพระพุทธองค์เพิ่นรึสิได้ลงไปลอยน้ำอยู่กะทะทองแดง😄)
การศึกษา : จบม.3 จากโรงเรียนบ้านหนองสว่าง อ.บ้านดุง จ.อุดรธานี
: จบม.6 จากโรงเรียนดงเย็นพิทยาคาร อ.บ้านดุง จ.อุดรธานี
: จบป.ตรี จากมหาวิทยาลัยเกษตรศาสตร์ วิทยาเขตเฉลิมพระเกียรติจังหวัดสกลนคร
อาชีพ : แต่ก่อนพ่อกับแม่เพิ่นพาเฮ็ดนา ปัจจุบันกะเฮ็ดนาคือเก่านั้นละจ้า 😂 (เด่วสิมาเล่าสู่ฟังเนาะว่าเป็นหยังค่อยมาได้เฮ็ดนาคือเก่า กะจบตั้งป.ตรีพุ้นเนาะสู🤭🤭)
สถานภาพ : สมรสเด้อพี่น้อง มีผัวคนนึงกับลูกสองคน ลูกสาวกก (ลูกคนโต) อายุ 13 ปี ส่วนลูกชายหล่า (ลูกคนสุดท้อง) อายุ 7 ปีละเด้อคร้าบ
เอาเป็นว่ามื่อนี้กะมาแนะตำโตคร่าวๆก่อนเนาะพี่น้องเด่วต่อไปกะสิมาเล่าเรื่องราวต่างๆมาแบ่งปันประสบการณ์การใช้ชีวิตมา 28 ปีให้ฟังเนาะว่าผ่านหยังมาแน่มีทั้งทุกข์ทั้งสุขทั้งเศร้าละพี่น้องเอ้ยผ่านมาโดนปานนี้ 28 ปีละเนาะจ้า 28 ปีอ่านบ่ผิดเกิด 27 จ้าแต่อายุ 28 ปีอีกสิบปีฝากไว้บ่เอามานำมันสิเฒ่าโพด😂😂😂😂 หวังว่าสิได้การตอบรับจากพี่จากน้องนักอ่านทั้งหลายอย่างท่วมท้นเด้อจ้าไผอยากฟังชีวิตของข่อยเรื่องได่ก่อนกะเม้นมาได้เด้อคั่นบ่มีคนเม้นข่อยกะสิค่อยๆเล่าไปเรื่อยๆตามช่วงเวลาที่คิดออกละจ้า
โฆษณา
- ดาวน์โหลดแอปพลิเคชัน
- © 2026 Blockdit
