หลวงพ่ออินทร์ถวาย สันตุสสโก วัดป่านาคำน้อย
การภาวนา ภาวนาผิดภาวนาถูก ลองผิดลองถูก เดินจงกรมบ้าง นั่งภาวนาบ้าง พยายามกำหนดลมหายใจเข้าออกบ้าง อีกสักมื้อหนึ่ง พอเฮามีความพยายาม มีความขยัน นั่งไปมันตกปั๊กเข้าความสงบ ถึงใจนิ่งสงบ โอ้ อันนี้เพิ่นว่านี่ นตฺถิ สนฺติ ปรํ สุขํ ความสุขอันอื่นยิ่งกว่าจิตใจสงบบ่มี เป็นจั่งซี่ตั้วนี่ อันนี้สงบ อันนี้จิตใจสงบอีหลีแล้วนี่ มั่นใจแล้วเด้ มั่นใจในเจ้าของ โอ้ จิตใจสงบเป็นจังซี่ตั๊วนี่ จิตใจสงบก็มีความสุขอยู่ตั้งหลายมื้ออีกต่างหาก
อย่างหลวงพ่อไปเที่ยววิเวก ไปจิตใจสงบ กลับมาก็เลยมาถาม ขอโอกาสพ่อแม่ครูบาอาจารย์ มันเป็นจังซี่จิตใจสงบ ถามเฮ็ดหยัง คล้าย ๆ กับว่าฮู้แล้วว่าจิตใจสงบมันต้องเป็นจังซั่น ถามทำไม พูดง่าย ๆ มันก็แม่นความเพิ่น พอถามเพิ่นก็ถามคล้าย ๆ ว่าถามหลอก ๆ ซื่อ ๆ เด้ ในใจของเจ้าของเองเชื่อเจ้าของเกินร้อยพุ่นเด้ จิตใจสงบมันเป็นจังซี่ตั๊วนี่ มั่นใจเลย
อันนี้คือกัน มันเกิดจากความขยัน ความขยันการทำความพากความเพียรของพระลูกพระหลานทั้งหลายแหล่ มันต้องเป็นจังซั่นนะ บ่แม่นสิเอ้อระเหยลอยลมไปเป็นมื้อ ๆ ไป บ่ได้เด้ ต้องคอยใช้ความขยันเป็นพื้นฐาน
หลวงพ่ออินทร์ถวาย สันตุสสโก
จากพระธรรมเทศนา “พระพึงพากเพียรแผดเผาภัยพาล”
แสดงธรรมเมื่อวันที่ ๑๘ พฤษภาคม ๒๕๖๙
โฆษณา
- ดาวน์โหลดแอปพลิเคชัน
- © 2026 Blockdit
